О Преславная Госпоже Царице Богородице, высшая всех Небесных Сил и святейшая всех святых!
Припадаем и поклоняемся Тебе пред всечестным и цельбоносным образом Твоим, воспоминающее дивное явление Твое болящему клирику Викентию, и усердно молим Тя, всесильную рода нашего заступницу и помощницу: якоже древле подала еси исцеление тому клирику, тако и ныне исцели наша души и телеса, болезнующия ранами грехов и страстей многоразличных, избави нас от всяких напастий, бед, скорбей и вечнаго осуждения. Сохрани от душепагубных лжеучений и безверия, от льстивых и наглых нападений невидимых врагов, подаждь нам христианскую кончину, безболезненну, мирну, непостыдну, Святых Тайн причастну. Сподоби нас ходотайством Твоим на страшном нелицеприятном Судищи Христове стати одесную Всеправедного Судии и блаженный глас Его услышати: «Приидите, благословении Отца Моего, наследуйте уготованное вам Царствие от сложения мира».
Аминь.
Сборник:
Религия